25 Tach 2025

Bydd dau drên yr awr ar gael rhwng Caer a Wrecsam yn dilyn newidiadau i amserlen mis Rhagfyr.

O 14 Rhagfyr, bydd yr amserlen newydd yn sicrhau gwelliannau sylweddol ar draws Gogledd Cymru drwy wella cysylltiadau cymunedol, hybu teithio trawsffiniol, a darparu cyfleoedd teithio mwy hyblyg.

Mae'r rhain yn newidiadau pellach fel rhan o ddatblygiadau i Rwydwaith Gogledd Cymru.

Dyma'r newidiadau allweddol fydd yn cael eu gwneud yn Ne Cymru:

• Cyflwyno gwasanaeth newydd bob awr rhwng Caer a Wrecsam, gan ddyblu amlder y gwasanaethau i 2 drên yr awr.
• Bydd y gwasanaeth dyddiol 11:23 rhwng Caerdydd a Chaergybi nawr yn gwneud galw mewn rhagor o orsafoedd - Craven Arms (12:59) a Church Stretton (13:07).
• O ddydd Llun i ddydd Sadwrn, bydd trenau newydd ar waith am 05:54 o Bidston i Wrecsam Cyffredinol ac am 20:51 o Wrecsam Canolog i Bidston
• Bwriedir i wasanaethau 20:26 Pwllheli i Fachynlleth, a gwasanaeth 21:47 Machynlleth i Bwllheli ar hyd Lein y Cambrian barhau fel ag y mae - Gwasanaethau diweddarach ar y Cambrian i barhau drwy gydol y gaeaf yn dilyn adborth lleol

Dywedodd Ken Skates, Ysgrifennydd y Cabinet dros Ogledd Cymru a Thrafnidiaeth: “Mae cysylltiadau rheilffordd yn hanfodol i sbarduno ffyniant.

“Bydd y newidiadau hyn yn gwneud gwahaniaeth gwirioneddol i gwsmeriaid, a fydd yn elwa o fwy o wasanaethau ar draws rhwydwaith Cymru a'r Gororau.

“Mae hyn wedi bod yn bosibl gan ein buddsoddiad o £800m mewn trenau newydd sbon ar gyfer rhwydwaith Cymru a'r Gororau.”

Bydd yr amserlen rheilffyrdd yn newid ar 14 Rhagfyr 2025 gan gyflwyno gwelliannau a newidiadau ar draws rhwydwaith Cymru a'r Gororau.

Cliciwch yma i gael gwybodaeth fanylach - https://trc.cymru/statws-gwasanaeth/amserlenni