Nodiadau i olygyddion

---

Cynllun llawn ar gael yma:

Datganiad o ymrwymiadau Gogledd Cymru a’r Gororau

Heddiw, mae Lee Waters, Dirprwy Weinidog Trafnidiaeth, wedi dod â rhanddeiliaid allweddol at ei gilydd i adolygu ymrwymiadau Trafnidiaeth Cymru i ddarparu’r gwasanaeth rheilffyrdd gorau posibl i Ogledd Cymru yn y tymor byr a’r tymor canolig.

Yn dilyn y gweithdy, mae Trafnidiaeth Cymru yn falch o gyhoeddi’r ymrwymiadau canlynol:

1. Byddwn yn penodi swyddog llwybrau penodol i ymchwilio’n ddwfn i’r problemau ar y llinell a datblygu ffocws hirdymor ar berfformiad a dibynadwyedd

Bydd Trafnidiaeth Cymru yn penodi uwch weithiwr rheilffyrdd proffesiynol i gydlynu’r ffrydiau gwaith sy’n gysylltiedig â darparu’r gwasanaethau dibynadwy o’r radd flaenaf y mae defnyddwyr y rheilffordd yn eu haeddu.

Bydd y swydd hon am gyfnod cychwynnol o 3 mis rhwng mis Gorffennaf a mis Hydref a bydd yn cynnwys creu perthnasoedd agos a chynhyrchiol â rheolwyr a thimau lleol, gan gynnwys Fflyd, Gyrwyr, Goruchwylwyr, Rheolaeth, Gorsafoedd, Diogelu Refeniw, depo Gogledd Penbedw, Glanhawyr Ar y Trenau, Perfformiad, Cyfleusterau, Parodrwydd Gweithrediadau

Bydd y rôl draws-swyddogaethol hon yn datblygu cynllun i ymgorffori’r holl gynlluniau gwella sydd wedi’u cynllunio i adfer sefydlogrwydd wrth ddarparu gwasanaethau.

Bydd y rôl hefyd yn cynnwys datblygu cysylltiadau â rhanddeiliaid lleol, gwleidyddion, cynghorwyr a chynrychiolwyr grwpiau defnyddwyr i roi’r wybodaeth ddiweddaraf iddynt am yr hyn rydym yn ei wneud ar y cyd â rheolwyr rhanddeiliaid TrC.

Bydd cynllun gwella cyhoeddus lefel uchel wedyn yn cael ei ddatblygu a’i rannu â rhanddeiliaid yn rheolaidd.

 

2. Byddwn yn darparu’r lefel uchaf bosibl o ddibynadwyedd i’n fflyd Class 230 a gwneud y gorau o’r ddarpariaeth bresennol

Bydd ein Swyddog Llwybr yn gweithio gyda thimau rheng flaen i gyflawni camau peirianneg clir i wella dibynadwyedd ac argaeledd ein fflyd Class 230.       Mae’r pum trên wedi’u neilltuo i’r rheilffordd ac fe’u prynwyd yn benodol gan Lywodraeth Cymru i wasanaethu’r rheilffordd a chaniatáu gwasanaethau ychwanegol.

Bydd gwneud y gorau o’r gwasanaeth 1 trên yr awr yn cynnwys:

• (i) Rheoli ein gallu i ddarparu Class 230 sy’n gwbl weithredol ar y lein
• (ii) Gweithio gyda’n partneriaid yn Network Rail ar ein hawliau mynediad i amserlenni
• (iii) Gwella dulliau gyrru, a sicrhau bod criwiau trenau yn gyfarwydd â’r unedau fel eu bod yn gallu rhoi’r perfformiad gorau, yn ogystal â chanfod problemau posibl yn gynt.

Ar hyn o bryd rydym yn cynnal gwaith atgyweirio a chynnal a chadw “mewnol” i fynd i’r afael â rhai heriau technegol.

I’r perwyl hwn, rydym wedi buddsoddi yng nghyfleusterau’r depo yng Ngogledd Penbedw. 

Mae defnyddio depo Penbedw yn golygu nad oes angen i’r trenau Class 230  deithio i Gaer mwyach ar gyfer cynnal a chadw a gwasanaethu. 

Rydym wedi sefydlu rheolwr a thîm o dechnegwyr sy’n gweithio bob awr o’r dydd i ddarparu gwaith cynnal a chadw rhagorol i sicrhau ein bod yn cyflawni’r lefelau uchaf posibl o ran dibynadwyedd, ac yn gwella ein sgôr Milltiroedd fesul Digwyddiad Technegol (lMTIN).

Wrth symud ymlaen, byddwn yn ystyried opsiynau cynnal a chadw tymor hir, yn fewnol a gydag arbenigedd trydydd parti, i sicrhau’r lefelau uchaf o ddibynadwyedd, effeithlonrwydd a gwerth i’n cwsmeriaid.

 

3. Byddwn yn sicrhau bod gwasanaethau bysiau yn lle trenau yn cael eu defnyddio cyn lleied â phosibl.

Gan gydnabod yr effaith mae gwasanaethau o’r fath yn eu cael ar gefn gwlad gogledd Cymru, a’r heriau y mae hyn yn eu creu i gwsmeriaid, rydym yn ymrwymo i redeg gwasanaeth rheilffordd lle bynnag y gallwn.

Pan fydd prinder fflydoedd mewn ardaloedd eraill, byddwn yn ystyried yn ofalus iawn effaith ailddyrannu trenau a dim ond mewn amgylchiadau eithriadol y byddwn yn gwneud hynny. Bydd ein Swyddog Llwybr yn defnyddio ein gwasanaethau fel cwsmer er mwyn deall yr effaith mae canslo yn ei gael ar deithwyr.

Bydd y swyddog hefyd yn gweithio’n agos gyda’n darparwyr trafnidiaeth ffyrdd ar adegau lle nad oes modd osgoi defnyddio bysus yn lle trenau er mwyn i ni allu gwneud hyn yn wasanaeth sy’n wirioneddol gyfeillgar i gwsmeriaid.

Byddwn yn parhau i adolygu ein prosesau ac yn ymrwymo i ymgysylltu’n barhaus â’r bobl sy’n defnyddio’r gwasanaeth hwn.

 

4. Byddwn yn adolygu ein hamserlen yn barhaus i sicrhau bod cwsmeriaid yn dod gyntaf

Mae angen i’n hamserlen a’r gwasanaethau rydym yn eu darparu ddiwallu anghenion cynifer â phosibl o’n cwsmeriaid, yn ogystal â darpar cwsmeriaid. Wrth gynllunio ein gwasanaethau a gweithio gyda rhanddeiliaid a grwpiau cwsmeriaid, rydym yn ymrwymo i adolygu ein gwasanaethau i sicrhau bod gennym y gwasanaethau iawn, yn galw yn y gorsafoedd iawn, ar yr adegau iawn.

Bydd trefniadau ar gyfer lle mae ein trenau yn galw ar wasanaethau allweddol yn parhau i gael eu hadolygu wrth i anghenion a gofynion cwsmeriaid ddatblygu.

Fel rhan o’r ymrwymiad hwn, bydd ein Swyddog Llwybr yn gwneud argymhellion ar amserlenni’r dyfodol gan ystyried anghenion defnyddwyr y llinell, yn ogystal â’r hyn rydym yn hyderus y gallwn ei gyflawni ar gyfer patrwm gwasanaeth sylfaenol 1tph a’r cynllun trenau 2tph arfaethedig yn y dyfodol.

Gyda chymorth ein Swyddog Llwybrau, byddwn yn gweithio’n agosach fyth gyda’r Grwpiau Defnyddwyr Rheilffyrdd (Rail User Groups) i ddatblygu cynlluniau manylach eto, ac i greu ar y cyd, fetrigau allweddol.

 

5. Rydym yn ymrwymo i adolygu ein prisiau a’n tocynnau ar hyd a lled gogledd Cymru er mwyn ei gwneud hi mor hawdd â phosibl i brynu tocynnau a theithio.

Mae cael adborth gan gwsmeriaid yn hanfodol, yn enwedig o ran hwylustod prynu a defnyddio tocynnau, ac rydym yn ymrwymo i fynd i’r afael â’r materion sy’n cael eu codi ar y llinell ochr yn ochr â phartneriaid yn y diwydiant.

Rydym yn gweld mwy a mwy o alw gan y cyhoedd am docynnau symudol, ac rydym yn ymchwilio i bob opsiwn i wneud y rhain mor hawdd eu defnyddio â phosibl wrth deithio i ranbarthau trafnidiaeth eraill yn yr ardal. Rydym yn ymwybodol bod problem o ran defnyddio rhai o’r tocynnau symudol (M) hyn ar rwydwaith Mersey Rail ac rydym yn ymrwymo i weithio gyda’n partneriaid yn y rhanbarth hwnnw i ddatrys hyn cyn gynted â phosibl.

Rydym yn gweithio mewn partneriaeth â Pay Zone ar draws Cymru a’r Gororau i archwilio cyfleoedd i bobl brynu tocynnau trên cerdyn mewn busnesau lleol. Mae hyn yn rhoi mwy o hyder i brynu cyn i chi fynd ar y trên a bydd hefyd yn rhoi hwb economaidd i siopau lleol. Rydym wedi ymrwymo i archwilio’r opsiynau hyn ar y lein.