30 Meh 2026

Mae Trafnidiaeth Cymru wedi croesawu dau fanwerthwr newydd i Gyfnewidfa Fysiau Caerdydd sef y ffefryn lleol, Kiwis Bowls, a’r arbenigwyr brechdanau rhyngwladol, Which Wich.

Yn dilyn llwyddiant Starbucks ers mis Ebrill 2025, mae cynigion manwerthu yn y gyfnewidfa yn ehangu. Mae hyn yn pwysleisio ymrwymiad Trafnidiaeth Cymru (TrC) at greu canolfan drafnidiaeth fywiog, sy’n ffocysu ar gwsmeriaid ac sy’n cefnogi busnesau Cymreig lleol a rhyngwladol yng Nghymru.

• Kiwis Bowls: Brand poblogaidd dros ben yng Nghaerdydd a fydd yn darparu eu bwydydd premiwm nodweddiadol fel eu powlenni açaí gogoneddus, smwddis, a choffi moesegol, i galon y ddinas
  • Which Wich: Mae nifer yn edrych ymlaen yn fawr at eu gweld yn lansio am y tro cyntaf yng Nghymru. Gyda dau leoliad -un yn y Gyfnewidfa ac un arall yng Nghanolfan Siopa Dewi Sant- byddant yn cyflwyno’u brechdanau unigryw, blasus i bobl leol sy’n frwd dros fwyd.

Dywedodd Alexia Course, Prif Swyddog Masnachol TrC: “Roedden ni’n hynod o falch i groesawu’r manwerthwyr newydd hyn i Gyfnewidfa Fysiau Caerdydd.

“Gyda Starbucks yn cyrraedd y flwyddyn ddiwethaf, mae’r ddau le newydd hyn yn dod â hyd yn oed mwy o ddewis i gwsmeriaid gan gryfhau ein cymysgedd o denantiaid hefyd. Rydyn ni’n creu mannau sy’n gwasanaethu ac sy’n cefnogi busnesau lleol.”

Rheolwyd y broses o integreiddio’r mannau hyn gan dîm Eiddo Masnachol TrC, sy’n dîm mewnol ers ychydig, gan sicrhau bod y broses, o negodi i osod, yn un syml ac esmwyth.

Gan gefnogi seilwaith digidol y gyfnewidfa, mae’r prosiect yn cynrychioli carreg filltir ddigidol sylweddol. Gwnaeth is-gwmni TrC, ffeibr, ddarparu manwerthwyr â band eang busnes cyflym, sy’n tanlinellu cydweithrediad mewnol llwyddiannus rhwng TrC a ffeibr.

Ychwanegodd Guy Reifer, Rheolwr Gyfarwyddwr ffeibr: “Dyma ni unwaith yn ehangu’n uniongyrchol i’r sector busnes ac mae hyn felly’n garreg filltir gyffrous i ffeibr.”

“Ein nod yw darparu cysylltedd dibynadwy, cyflym sy’n helpu busnesau Cymreig, yn ogystal â busnesau yng Nghymru, i ffynnu, ac mae’r bartneriaeth hon yn enghraifft wych o hynny.”

“Mae hefyd yn enghraifft wych o ddau sefydliad sector cyhoeddus wrthi’n cydweithio i ddarparu gwerth a chyfleustra i bobl Cymru.”

I weld ein cyfleoedd eiddo masnachol, ewch i: Eiddo Masnachol | Trafnidiaeth Cymru

Am ragor o wybodaeth ynghylch ffeibr, ewch i: www.ffeibr.cymru