11 Chw 2026
Mae Trafnidiaeth Cymru (TrC) yn gwahodd arloeswyr, entrepreneuriaid a busnesau newydd i helpu i lunio dyfodol trafnidiaeth drwy Lab gan Gyflymydd Trafnidiaeth Cymru 2026.
Mae ceisiadau ar gyfer Cyflymydd Trafnidiaeth Cymru bellach ar agor gyda'r rhaglen 10 wythnos wedi'i chynllunio i ddatblygu syniad cychwynnol yn gynnyrch, gyda'r cyfle i ddefnyddio'ch syniad ar draws Trafnidiaeth Cymru.
Mae rhaglen cyflymu eleni yn gwahodd cynigion ar draws y meysydd her allweddol hyn:
- Diogelwch a Chynaliadwyedd
- Roboteg, Cwantwm ac Argraffu 3D
- Profiad Cwsmer
- Wildcard: Dyfodol Trafnidiaeth – Sicrhau bod TrC yn Barod am y Dyfodol
Mae'r cyflymydd yn agored i unrhyw sefydliad, entrepreneur, busnes cychwynnol neu fusnes sy'n awyddus i dyfu sydd â chynnyrch neu syniad a all fynd i'r afael â heriau trafnidiaeth yn y byd go iawn a sicrhau effaith ystyrlon.
Bydd ymgeiswyr llwyddiannus yn elwa o:
- Mynediad at gyllid i alluogi arloesedd
- Hyfforddiant Ymchwil a Datblygu arbenigol i fireinio a datblygu eu syniadau
- Mentora arbenigol a chymorth gan y diwydiant
- Y cyfle i ddefnyddio eu harloesedd gyda Thrafnidiaeth Cymru
Ar ddiwedd y 10 wythnos, bydd yr holl fusnesau sy'n cymryd rhan yn y rhaglen yn cyflwyno eu MVP (Cynnyrch Sylfaenol Hyfyw) ar Ddiwrnod y Cyflwyniad, gyda'r nod o sicrhau cyllid gyda Thrafnidiaeth Cymru.
Bydd gan ymgeiswyr llwyddiannus y sicrwydd ariannol a'r mynediad i'r adnoddau sydd eu hangen i ddatblygu eu cynnyrch neu wasanaeth ymhellach i'w hintegreiddio ar draws y rhwydwaith.
Dyddiad cau derbyn ceisiadau yw 12pm ar 20 Mawrth 2026.
Am ragor o wybodaeth ewch i'r ddolen ganlynol: Lab by Transport For Wales Accelerator Application - 2026 | SimplyDo
