31 Hyd 2025

Mae Trafnidiaeth Cymru yn cynnig teithio am ddim ar wasanaethau rheilffordd a pob wasanaeth bws TrawsCymru i bersonél milwrol yn ystod cyfnod y Cofio eleni.

Fel rhan o fenter yr holl ddiwydiant, mae'r cynnig teithio am ddim ar gyfer personél milwrol presennol yn ogystal â chyn-filwyr.

Bydd gan unigolion cymwys hawl i deithio am ddim ar holl wasanaethau rheilffordd Trafnidiaeth Cymru ar y dyddiadau canlynol:

• Dydd Gwener 7 Tachwedd 2025 – Ar gyfer teithio i ac o orsaf Caerdydd Canolog yn unig er mwyn mynychu Gwasanaeth Cofio TrC
• Dydd Sul 9 Tachwedd 2025 – Sul y Cofio
• Dydd Mawrth 11 Tachwedd 2025 – Diwrnod y Cadoediad

Bydd y cynnig hefyd ar gael ar pob wasanaeth bws TrawsCymru ar Sul y Cofio a Diwrnod y Cadoediad.

Darparir teithio am ddim i aelodau sy'n gwasanaethu'r Lluoedd Arfog mewn gwisg filwrol a phersonél presennol a chyn-filwyr nad ydynt mewn gwisg a all gyflwyno un o'r canlynol:

• Cerdyn adnabod dilys MOD90 y Weinyddiaeth Amddiffyn
• Cerdyn Rheilffordd Cyn-filwyr, cerdyn Oyster Cyn-filwyr, Cerdyn adnabod y Weinyddiaeth Amddiffyn i Gyn-filwyr
• Dogfennau eraill sy'n cadarnhau statws cyn-filwr (e.e. pensiwn)

Eleni eto, mae Trafnidiaeth Cymru yn falch o anrhydeddu aberth y rhai sydd wedi gwasanaethu ein gwlad.