23 Meh 2026

Cyngor Teithio ar gyfer De Cymru. Datganiad ar y cyd gan Trafnidiaeth Cymru a Network Rail.

Datganiad ar y cyd gan Trafnidiaeth Cymru a Network Rail:

Mae'r Swyddfa Dywydd wedi cyhoeddi rhybudd coch o wres eithafol rhwng 09:00 ddydd Mercher 24 Mehefin a 21:00 ddydd Iau 25 Mehefin ar draws rhannau o Ganolbarth Lloegr, De Cymru a De Lloegr. 

Rydym yn cynghori teithwyr sy’n teithio i mewn i'r ardal rhybuddio goch, drwyddi neu allan ohoni i deithio dim ond os yw’n gwbl angenrheidiol. Cynghorir teithwyr sy’n teithio ar draws gweddill y rhwydwaith i wirio cyn teithio.  

Gallai'r tymheredd gyrraedd hyd at 38°C, sy'n debygol o achosi tarfu sylweddol i wasanaethau trenau, gyda newidiadau i'r gwasanaethau bellach ar waith. Gall gwres eithafol effeithio ar draciau, llinellau pŵer uwchben a threnau, sy'n golygu y gall gwasanaethau gael eu gohirio neu eu canslo ar fyr rybudd, neu gallant gymryd mwy o amser nag arfer oherwydd cyfyngiadau cyflymder.  

Gwiriwch eich taith cyn cychwyn gan ddefnyddio ein map byw, ap neu wefan. Caniatewch amser ychwanegol gan y gall teithiau gymryd mwy o amser nag arfer a chofiwch ddod a photel o ddŵr gyda chi ag yfed digon o ddŵr hefyd. Os ydych chi'n teimlo'n sâl, gofynnwch am gymorth gan staff ar y trên neu staff yr orsaf. 

Disgwylir i wasanaethau i gyrchfannau arfordirol fod yn brysur iawn, ac mae digwyddiad The Cure yng Nghaeau Blackweir yng Nghaerdydd ddydd Mercher 24 Mehefin yn golygu y bydd systemau ciwio ar waith mewn gorsafoedd allweddol.  

Os nad ydych bellach yn dymuno teithio ar ddydd Mercher 24 neu ddydd Iau 25 Mehefin, gellir defnyddio'ch tocyn ddydd Gwener 26 Mehefin. Os dewiswch beidio â theithio, mae'r tocynnau hyn yn gymwys i ad-daliad llawn o'r pwynt prynu, cyn belled â'ch bod yn hawlio'r ad-daliad cyn 23:59 ar y diwrnod cyn dyddiad y mae'r tocyn yn ddilys. Efallai y byddwch hefyd yn teithio cyn eich amser teithio a drefnwyd ar y dyddiadau hyn.  

Am wybodaeth ddiweddaraf, ewch i: http://trc.cymru/cynllunio-taith  // http://livemap.tfw.wales/#/aw_cy/mapview