02 Meh 2026

Bydd pont reilffordd newydd sbon yn cael ei gosod yng ngorsaf reilffordd Cathays, gyda'r gwaith yn dechrau ar 13 Mehefin 2026. 

Bydd pont droed 'Mynediad i Bawb' yn darparu gwell hygyrchedd ac yn helpu i foderneiddio'r orsaf i fod yn ganolfan drafnidiaeth fwy diogel.

Mae nodweddion ychwanegol y gwaith i uwchraddio'r seilwaith yn cynnwys mynediad lifft, heb risiau, i ddefnyddwyr cadeiriau olwyn, llwybrau cerdded gwell a mynediad uniongyrchol i Canolfan Bywyd Myfyrwyr Prifysgol Caerdydd.

Mae'r gwelliannau hyn yn rhan o raglen ehangach Metro De Cymru, a fydd yn cefnogi ymrwymiad TrC i ddarparu system drafnidiaeth fwy dibynadwy, cyflymach, gwyrddach a mwy hygyrch i gymunedau ledled Cymru.

Bydd y prosiect yn cael ei gyflawni fesul cam, gyda'r prif waith adeiladu yn dechrau yn Hydref 2026.

Bydd TrC yn cyhoeddi diweddariadau a chyfathrebiadau rheolaidd ym mhob cam allweddol - yn enwedig ynghylch unrhyw effeithiau ar drigolion, busnesau neu ddefnyddwyr ffyrdd.

Dywedodd Dan Tipper, Prif Swyddog Seilwaith Trafnidiaeth Cymru: “Mae’r buddsoddiad hwn yn gam pwysig yn ein gwaith parhaus i wella hygyrchedd a moderneiddio gorsafoedd ledled Cymru.

“Bydd y bont droed newydd yn gwneud gorsaf Cathays yn fwy diogel, yn haws i’w llywio ac yn fwy croesawus i bawb sy’n ei defnyddio.

“Rydym yn gweithio’n agos gyda Phrifysgol Caerdydd a busnesau lleol eraill i sicrhau bod y prosiect yn cefnogi anghenion y myfyrwyr a’r cymunedau cyfagos, ac rydym yn edrych ymlaen at ei weld yn datblygu.”

Ychwanegodd Alex Phillips, Uwch Reolwr Prosiectau: "Wrth i ni symud i’r cam cyntaf hwn, bydd ein timau’n dechrau sefydlu’r safle, yn rhoi dargyfeiriadau i gerddwyr ar waith ac yn cynnal gwaith cloddio a gwaith ceblau cychwynnol.

“Mae hwn yn waith galluogi pwysig ar gyfer y prosiect ehangach ac ein ffocws yw ei gyflawni’n effeithlon wrth sicrhau bod yr orsaf yn parhau i weithredu fel arfer.