02 Tach 2026
Mae Trafnidiaeth Cymru yn cynnig teithio am ddim ar wasanaethau rheilffordd a holl wasanaethau bws TrawsCymru i bersonél milwrol yn ystod cyfnod y Cofio eleni.
Fel rhan o fenter ehangach, mae'r cynnig teithio am ddim yn agored i bersonél milwrol a chyn-filwyr.
Bydd gan unigolion cymwys yr hawl i deithio am ddim ar holl wasanaethau rheilffordd Trafnidiaeth Cymru (TrC) ar y dyddiadau canlynol:
- Dydd Gwener 6 Tachwedd 2026 - Ar gyfer teithio i, ac o Orsaf Ganolog Caerdydd yn unig ar gyfer Gwasanaeth Cofio TrC
- Dydd Sul 8 Tachwedd 2026 - Sul y Cofio
- Dydd Mercher 11 Tachwedd 2026 - Diwrnod y Cadoediad
Bydd y cynnig hefyd ar gael ar holl wasanaethau bws TrawsCymru ar Sul y Cofio a Diwrnod y Cadoediad yn unig.
Cynigir teithio am ddim i aelodau o’r Lluoedd Arfog yn eu gwisg a chyn-filwyr a chyn-bersonél nad ydynt mewn gwisg, a all gyflwyno un o'r mathau adnabod canlynol:
- Cerdyn adnabod dilys MOD90 y Weinyddiaeth Amddiffyn
- Cerdyn Rheilffordd Cyn-filwyr, Cerdyn ‘Oyster’ Cyn-filwyr neu Gerdyn Adnabod Cyn-filwyr a gyhoeddwyd gan y Weinyddiaeth Amddiffyn
- Dogfennau eraill sy'n cadarnhau statws cyn-filwr (er enghraifft, prawf o bensiwn)
Mae Trafnidiaeth Cymru yn falch o anrhydeddu gwasanaeth ac aberth aelodau o gymuned y Lluoedd Arfog ac i gefnogi'r rhai sy'n teithio i ddigwyddiadau coffa ledled Cymru a'r gororau yn ystod cyfnod y Cofio eleni.
