22 Gor 2025

Mae TrawsCymru yn ailgyflwyno ei docyn grŵp poblogaidd am gyfnod cyfyngedig, gan gynnig cyfle anhygoel i deuluoedd a grwpiau bach archwilio Cymru am lai o arian.

Am ddim ond £8, gall cwsmeriaid archwilio eu hardal leol neu fynd ar deithiau diwrnod am bris fforddiadwy, gan gyflwyno cyfleoedd newydd er mwyn i bawb ddarganfod Cymru.

Mae'r cynnig ar gael i hyd at ddau oedolyn a phedwar plentyn dan 16 oed ar gwasanaethau T1, T2, T3, T6, T10 a T22 rhwng 20 Gorffennaf a 30 Awst 2025.

Dywedodd Huw Morgan, Pennaeth Trafnidiaeth Integredig a Datblygu Rhwydwaith Bysiau: “Rwy’n falch iawn o weld y tocyn grŵp yn dychwelyd ar gyfer 2025. Mae’n rhoi opsiynau teithio cyhoeddus fforddiadwy i bobl, sy’n eu hannog i grwydro a chael profiadau haf bythgofiadwy ledled Cymru, a gobeithio y bydd pobl yn manteisio’n llawn arno.”

Gall teithwyr TrawsCymru hefyd elwa o nifer o gynigion eraill, gan gynnwys gostyngiad o 50% ar docynnau a brynir ar yr ap am y tro cyntaf a hefyd tocynnau £1 i Ben y Fan. Mae telerau ac amodau ar wahân yn berthnasol i bob cynnig.

I gael gwybod am ddigwyddiadau ac atyniadau y gallwch eu harchwilio ar fws, ewch i wefan TrawsCymru.