30 Gor 2025

Mae Labs gan Trafnidiaeth Cymru wedi cyhoeddi mai Inclutech, platfform riportio digwyddiadau hygyrch, yw enillydd cyffredinol ei chweched raglen cyflymu. Bydd y cwmni nawr yn dechrau ar gontract i ddatblygu ei dechnoleg ymhellach ar gyfer rhwydwaith trafnidiaeth Cymru.

Gwnaed y cyhoeddiad wrth ddod â Diwrnod Arddangos a gynhaliwyd yn Techniquest ddydd Mawrth 15 Gorffennaf i’w derfyn. Yno, cafodd 9 busnes newydd arloesol gyfle i arddangos eu syniadau. Roedd y digwyddiad, a gynhaliwyd ar y cyd â Media Cymru, yn benllanw rhaglen 10 wythnos drylwyr lle datblygodd arloeswyr atebion i heriau allweddol ym maes trafnidiaeth a'r cyfryngau, popeth o ddiogelwch gyda chymorth Deallusrwydd Artiffisial (AI) i deithio rhanbarthol heb allyriadau. Gyda dros 50 o arweinwyr diwydiant, buddsoddwyr a llunwyr polisi yn y gynulleidfa, cyflwynodd pob cwmni Gynnyrch Sylfaenol Hyfyw (MVP) yr oeddent wedi'i ddyfeisio.

“Mae Carfan 6 yn profi y gall arloesi yng Nghymru ddatrys heriau trafnidiaeth ar lefel fyd-eang,” meddai Barry Lloyd, Pennaeth Arloesi Trafnidiaeth Cymru. “Mae safon y syniadau rydyn ni wedi'u gweld yn ymwneud â Deallusrwydd Artiffisial (AI), dylunio cynhwysol a hedfan heb allyriadau. Mae hyn yn profi bod gan system drafnidiaeth Cymru ddyfodol disglair.”

Roedd gan Gavin Johnson, Cynhyrchydd Ymchwil a Datblygu hyn i'w ddweud am y bartneriaeth: “Mae Media Cymru yn falch iawn o fod yn bartner gyda Trafnidiaeth Cymru i ddarparu cefnogaeth i sbarduno ymchwil a datblygu arloesedd (Ymchwil a Datblygu) ar gyfer y sector trafnidiaeth. Mae cydweithredu yn allweddol i ddatgloi atebion doethach, mwy cynaliadwy, ac mae'r bartneriaeth hon yn adlewyrchu ein hymrwymiad ar y cyd ar gyfer arloesi, nid yn unig yn y sector cyfryngau, ond ar draws ystod ehangach o sectorau hefyd.

Cyflwynwyd tair gwobr i gydnabod cyflawniadau rhagorol:

· Enillydd Carfan 6: Inclutech - Enillodd sylfaenydd y cwmni, Becca Hume, y brif wobr am ei phlatfform riportio digwyddiadau di-eiriau. Mae’n grymuso teithwyr agored i niwed i nodi pryderon diogelwch yn synhwyrol ac mewn amser real, gan greu amgylchedd trafnidiaeth gyhoeddus mwy diogel a mwy cynhwysol.

· Y Cyflwyniad Gorau: Barcud – Cydnabuwyd Dr Ben Gwalchmai am ei gyflwyniad rhagorol ar gyfer y cysyniad awyren fôr drydan heb allyriadau a ddyluniwyd i gwtogi amser teithio rhwng Caergybi a Chaerdydd i lai na dwy awr.

· Ysbryd y Rhaglen: Cavefish AI – Derbyniodd Steve Williams y wobr hon am ei waith ar blatfform EchoDepthAI. Peiriant deallusrwydd artiffisial deallusrwydd emosiynol ydyw all ddehongli 52 emosiwn gwahanol gyda mynegiant wyneb, llais a thestun i helpu i bersonoli cynnwys a phrofiadau teithwyr.

Bydd y contract buddugol yn rhoi cyfle i Inclutech ddatblygu prawf cysyniad i TrC, gan symud ei blatfform o syniad addawol i ateb y gellir ei roi ar waith ar gyfer pobl Cymru.

Mewn ymateb i'r fuddugoliaeth, dywedodd Becca Hume, Sylfaenydd a Phrif Swyddog Gweithredol Inclutech: “Rydym ar ben ein digon ein bod wedi ennill y categori cyffredinol. Mae gweithio ochr yn ochr â Thrafnidiaeth Cymru dros y 10 wythnos diwethaf wedi bod yn brofiad amhrisiadwy — mae wedi ein helpu i lunio dyfodol mwy diogel a chynhwysol i deithwyr a staff. Mae'r gydnabyddiaeth hon yn tynnu sylw at y ffaith bod angen brys am offer riportio mwy hygyrch a symlach ar draws y rhwydwaith rheilffyrdd. Rydym yn edrych ymlaen yn fawr at symud ymlaen â'r prosiect hwn gyda'n gilydd."

Roedd y garfan hefyd yn cynnwys ystod amrywiol o atebion arloesol eraill, gan dynnu sylw at ehangder y dalent yn y rhaglen:

· Dadorchuddiodd Bays Consulting a Createc CrowdGuardian, model AI newydd sy'n trosoli technoleg synhwyro amser real i nodi ymddygiadau a allai o bosibl droi yn dreisgar neu'n beryglus, gan ganolbwyntio ar Drais yn erbyn Menywod a Merched (VAWG).

· Cyflwynodd 1 Timetable blatfform cydweithredol a gynlluniwyd i helpu'r diwydiant rheilffyrdd i gyflawni yn erbyn amcanion yr amserlen, gan roi data cerbydau, criw ac amserlen wrth wraidd ei feddalwedd.

· Arddangosodd Proaptus system sy'n cael eu gyrru gan AI sy'n defnyddio Synhwyrydd Dosbarthu Acwstig | Distributed Acoustic Sensing (DAS) i drawsnewid seilwaith presennol yn rhwydweithio deallus, gan wella diogelwch ac effeithlonrwydd.

· Dangosodd AfroSheep Animations gynnwys deniadol wedi'i animeiddio gyda chyfryngau rhyngweithiol y maent wedi’i gynllunio i greu profiadau addysgol llawn cymhelliant ar gyfer amgueddfeydd ac atyniadau i dwristiaid.

· Roedd Crash Productions yn defnyddio cynnwys digidol ac ymgyrchoedd cymdeithasol effeithiol i ganolbwyntio ar ieuenctid mewn partneriaeth â dylanwadwyr a darlledwyr cymdeithasol mawr.

Roedd y digwyddiad yn Techniquest yn gyfle i rwydweithio a darganfod, gan atgyfnerthu ymrwymiad Labs gan TrC i feithrin ecosystem ffyniannus ar gyfer technoleg yng Nghymru a chyflawni gweledigaeth Llywodraeth Cymru o rwydwaith trafnidiaeth fodern, integredig a chynaliadwy.