27 Maw 2026

Mae Trafnidiaeth Cymru yn cynyddu gwasanaethau TrawsCymru yr haf hwn ar ddau lwybr allweddol ar draws Cymru i ddiwallu'r galw cynyddol.

O ddydd Sul 28 Mawrth ymlaen, bydd teithwyr sy'n teithio ar lwybrau T4 a T10 TrawsCymru yn elwa o wasanaethau amlach yn ystod misoedd yr haf, gyda theithiau ychwanegol yn cael eu hychwanegu ar benwythnosau, gwyliau banc ac yn ystod gwyliau ysgol.

Gyda'r haf yn agosáu, mae mwy o bobl yn manteisio ar y cyfle i archwilio tirweddau prydferth a chyrchfannau poblogaidd Cymru.

Mae'r newidiadau i'r amserlen ar gyfer y llwybrau hyn yn cynnwys:

• T10 (Bangor – Betws-y-coed – Corwen)

Bydd gwasanaethau bob awr yn rhedeg rhwng Betws-y-coed a Bangor ar benwythnosau ac ar ddiwrnodau'r wythnos yn ystod gwyliau ysgol.

• T4 (Merthyr Tudful – Aberhonddu – Y Drenewydd)

Caiff amlder yr amserlen ei gynyddu i un gwasanaeth bob awr rhwng Aberhonddu a Merthyr Tudful ar ddydd Sul a Gwyliau Banc

O 13 Ebrill ymlaen bydd mân newidiadau ychwanegol i amserlen y T4 er mwyn gwella prydlondeb a dibynadwyedd.

Dywedodd Mark Jacobs, Uwch Reolwr Cynllunio a Datblygu TrawsCymru: “Wrth i fisoedd yr haf nesáu, bydd y gwelliannau hyn yn ei gwneud hi hyd yn oed yn haws i bobl archwilio mannau gorau Cymru.

“Rydym am wneud teithio ar y bws yn haws a thrwy gynyddu amlder y ddau lwybr poblogaidd hyn, rydym yn gobeithio gweld hyd yn oed mwy o deithwyr ar ein gwasanaethau yr haf hwn.”

Mae amserlenni wedi'u diweddaru ar gyfer y ddau lwybr ar gael yma Llwybrau a Mapiau - TrawsCymru