02 Gor 2025

Mae'r cam mawr nesaf i wella gwasanaethau bws yng Nghymru ar y gweill wrth i Trafnidiaeth Cymru ac awdurdodau lleol annog pobl De-orllewin Cymru i rannu eu barn a'u safbwyntiau ar y newidiadau arfaethedig.

Mae'r bil diwygio’r bysiau yn mynd trwy'r Senedd ar hyn o bryd a bydd masnachfreinio bysiau yn dechrau yn haf 2027, a De-orllewin Cymru fydd y rhanbarth cyntaf i elwa o'r newidiadau.

Mae Trafnidiaeth Cymru ac awdurdodau lleol yn Ne-orllewin Cymru bellach yn ystyried rhai newidiadau rhwydwaith y gellid eu cyflawni. Gelwir hyn yn Rhwydwaith Sylfaen Arfaethedig ac mae'n dangos y llwybrau y gallai bysiau eu cymryd ac amlder y gwasanaethau yn 2027.

Bydd y newidiadau cychwynnol o fewn y Rhwydwaith Sylfaen Arfaethedig yn canolbwyntio ar adeiladu ar y rhwydwaith presennol, gwneud gwelliannau a defnyddio adnoddau presennol.

Bydd TrC yn gweithio mewn partneriaeth ag awdurdodau lleol, gweithredwyr bysiau a'r cyhoedd i adeiladu a gwella'r newidiadau hyn yn barhaus dros amser.

Dywedodd Lee Robinson, Cyfarwyddwr Gweithredol Trafnidiaeth Ranbarthol ac Integreiddio yn TrC:

“Bydd masnachfreinio bysiau yng Nghymru yn caniatáu inni lunio rhwydwaith bysiau gwell sydd wir yn gweithio i bobl,  ac rydym yn gwneud hyn mewn partneriaeth ag awdurdodau lleol a gweithredwyr bysiau..

“Rydym bellach ar ddechrau’r broses a De-orllewin Cymru fydd y rhanbarth cyntaf i weld newidiadau yn 2027. Mae'n hanfodol ein bod yn cynnwys y cyhoedd ac yn gwrando ar eu hadborth ynghylch ein gwelliannau arfaethedig.

“Byddem yn annog pobl i gymryd rhan yn yr arolwg ar-lein neu fynychu’r digwyddiadau a drefnir.”

Sut i roi adborth

Gall y cyhoedd roi eu barn ar-lein: dweudeichdweud.trc.cymru/diwygior-bysiau

Cynhelir digwyddiadau cymunedol hefyd:

* Lleoliadau ac amseroedd i'w cadarnhau a'u diweddaru