14 Awst 2026
Mae pobl yng Ngogledd Cymru yn cael eu hannog i rannu eu barn ar ddyfodol rhwydwaith bysiau'r rhanbarth, wrth i'r cam nesaf o gynlluniau i wella gwasanaethau bysiau yng Nghymru ddechrau.
Mae'n dilyn cymeradwyo rhwydwaith bysiau arfaethedig ar gyfer Gogledd Cymru, a gyd-ddyluniwyd gan Trafnidiaeth Cymru ac awdurdodau lleol, fel rhan o raglen ddiwygio bysiau ehangach Llywodraeth Cymru.
Bydd ymgysylltu cyhoeddus wyth wythnos ar y rhwydwaith arfaethedig yn dechrau ddydd Gwener 14 Awst, gyda mwy nag 20 o sesiynau galw heibio wedi'u cynllunio ledled Gogledd Cymru ym mis Medi.
Bydd pobl ifanc hefyd yn cael eu hannog i rannu eu barn mewn cyfres o ddigwyddiadau coleg a phrifysgol.
Nod diwygio bysiau yw darparu gwasanaethau bws mwy dibynadwy, prisiau bysiau tecach a thocynnau ac amserlenni symlach.
Mae'r rhwydwaith bysiau arfaethedig yn dangos y llwybrau a'r amlder y gallai bysiau eu cymryd yng Ngogledd Cymru ac mae'n cynnwys gwelliannau awgrymedig i'r rhwydwaith y gellir eu cyflawni o fewn yr amlen ariannu bresennol.
Bydd Trafnidiaeth Cymru yn gweithio mewn partneriaeth ag awdurdodau lleol, gweithredwyr bysiau a'r cyhoedd i adeiladu a gwella'r newidiadau hyn yn barhaus dros amser.
Dywedodd Lee Robinson, Cyfarwyddwr Gweithredol Trafnidiaeth ac Integreiddio Rhanbarthol yn Trafnidiaeth Cymru: "Mae bysiau yn chwarae rhan hanfodol wrth gysylltu pobl a chymunedau yng Nghymru, ond rydym yn gwybod bod cyfleoedd i wella.
"Trwy fasnachfreinio bysiau rydym am ddarparu cysylltiadau gwell, gwasanaethau amlach, amserlenni a phrisiau symlach erbyn 2030.
"Rydyn ni nawr yn gofyn i gymunedau ledled Gogledd Cymru helpu i lunio'r cynlluniau hyn. Trwy gymryd rhan yn ein hymgysylltiad cyhoeddus, gall pobl ein helpu i adeiladu rhwydwaith bysiau sy'n gweithio'n well i deithwyr nawr ac yn y dyfodol."
Nodiadau i olygyddion
Sut i gynnig adborth
Gall y cyhoedd adborth ar eu barn ar-lein: Dweud eich dweud ar wasanaethau bysiau yn y dyfodol yng Ngogledd Cymru | Trafnidiaeth Cymru a mae copïau phapur hefyd ar gael ar gais yn ogystal ag yn y digwyddiadau galw heibio.
Bydd digwyddiadau galw heibio cyhoeddus yn cael eu cynnal ledled Gogledd Cymru yn ystod mis Medi, gan roi cyfleoedd i gymunedau lleol ddarganfod mwy am y cynigion, gofyn cwestiynau a rhannu eu barn.
Wythnos 1
Dydd Mawrth 1 Medi
- Caernarfon – 9:00am–1:00pm, Gorsaf Fysiau Caernarfon
- Porthaethwy – 3:00pm–6:00pm, Llyfrgell Porthaethwy
Dydd Mercher 2 Medi
- Bae Colwyn – 9:00am–1:00pm, Canolfan Siopa Bayview
- Yr Wyddgrug – 9:00am–1:00pm, Llyfrgell ac Amgueddfa'r Wyddgrug
Dydd Iau 3 Medi
- Corwen – 9:00am–12:00pm, Canolfan Ni (Prif Neuadd)
Dydd Gwener 4 Medi
- Y Waun – 9:00am–1:00pm, Neuadd Plwyf y Waun
Wythnos 2
Dydd Llun 7 Medi
- Wrecsam – 8:00am–1:00pm a 4:30pm–7:00pm, Gorsaf Fysiau Wrecsam
- Glannau Dyfrdwy – Trwy'r dydd, Coleg Chweched Dosbarth Glannau Dyfrdwy
Dydd Mawrth 8 Medi
- Y Fflint – 9:00am–1:00pm, Neuadd y Dref y Fflint
- Y Rhyl – 4:00pm–7:00pm, Gorsaf Reilffordd y Rhyl
Dydd Mercher 9 Medi
- Betws-y-coed – 11:00am–2:00pm, Gorsaf Reilffordd Betws-y-coed
Dydd Iau 10 Medi
- Dolgellau – 1:00pm–4:00pm, Tŷ Siamas
Dydd Gwener 11 Medi
- Nefyn – 9:00am–11:00am, Ganolfan Nefyn
- Pwllheli – 11:30am–1:30pm, Gorsaf Reilffordd Pwllheli
Wythnos 3
Dydd Mawrth 15 Medi
- Porthmadog – 10:00am–2:00pm, Y Ganolfan, Porthmadog
Dydd Mercher 16 Medi
- Amlwch – 10:00am–12:00pm, Llyfrgell Amlwch
Dydd Iau 17 Medi
- Treffynnon – 9:00am–1:00pm, Amgueddfa Gymunedol Ardal Treffynnon
- Brymbo – 3:00pm–6:00pm, Canolfan Fenter Brymbo
Wythnos 4
Dydd Llun 21 Medi
- Caergybi – 9:30am–1:00pm, Llyfrgell Caergybi
- Llangefni – 3:00pm–7:00pm, Neuadd y Dref Llangefni
Dydd Mawrth 22 Medi
- Llandudno – 9:00am–1:00pm, Canolfan Siopa Victoria
Dydd Mercher 23 Medi
- Bangor – 9:30am–2:00pm (Llyfrgell Bangor) a 4:30pm–7:00pm (gorsaf drenau Bangor)
- Prifysgol Bangor – Drwy'r dydd
Dydd Iau 24 Medi
- Rhuthun – 9:00am–1:00pm, Yr Hen Lys
- Prifysgol Wrecsam – Trwy'r dydd
Dydd Gwener 25 Medi
- Johnstown – 12:00pm–3:00pm, Canolfan Gymunedol Johnstown
