06 Tach 2025

Mae Trafnidiaeth Cymru (TrC) yn darparu trenau ychwanegol drwy gydol mis Tachwedd i gefnogi cefnogwyr sy'n teithio i Stadiwm y Principality am bedwar penwythnos olynol o rygbi rhyngwladol.

Mae Cymru yn cychwyn Cyfres yr Hydref o dan yr hyfforddwr newydd Steve Tandy wrth i adeg prysur y Nadolig ddechrau, gan nodi un o'r cyfnodau teithio prysuraf yn y flwyddyn.

Bydd y cyfnod prysur hwn yn gweld y rhwydwaith trenau yn cael ei ddefnyddio nid yn unig gan gefnogwyr rygbi ond hefyd gan deithwyr sy'n ymweld â marchnadoedd Nadolig, cyrchfannau siopa ac ddigwyddiadau Nadoligaidd ledled Cymru a'r gororau.

Mae TrC yn annog pob teithiwr sy'n mynd i Gaerdydd i gynllunio ymlaen llaw, gwirio amser y trên olaf adref a chaniatau digon o amser ar gyfer eu taith.

Bydd TrC yn gweithio'n agos gyda Heddlu Trafnidiaeth Prydain (BTP) a Network Rail i helpu i sicrhau diogelwch a chysur pob cwsmer sy'n teithio.

Dywedodd Georgina Wills, Rheolwr Cyflenwi Cwsmeriaid a Chynllunio Digwyddiadau yn Trafnidiaeth Cymru:: “Bydd mis Tachwedd yn un o’r misoedd prysuraf ar ein rhwydwaith ac rydym yn falch o fod yn ychwanegu gwasanaethau ychwanegol i helpu cefnogwyr sy’n teithio i Stadiwm Principality.

“Rydym yn annog cefnogwyr i gynllunio ymlaen llaw a phrynu tocynnau ymlaen llaw, i’r rhai sy’n defnyddio ein system talu wrth fynd di-gyswllt, cofiwch dapio i mewn a thapio allan - bydd gennym staff ar lawr gwlad i gefnogi”

Dywedodd Heddlu Trafnidiaeth Brydeinig: “Mae ein neges yn glir – ni ddylai neb orfod goddef ymddygiad gwrthgymdeithasol. Rydym yn gweithio’n agos gyda Trafnidiaeth Cymru a phartneriaid eraill i sicrhau y gall pob teithiwr deithio’n ddiogel ar draws y rhwydwaith.
“Mae gennym swyddogion mewn lifrai a dillad plaen yn patrolio gorsafoedd ledled Cymru, felly oherwydd na allwch ein gweld nid yw’n golygu nad ydym yno.
“Rydym yn annog unrhyw un sy’n profi unrhyw beth sy’n gwneud iddynt deimlo’n anghyfforddus neu sy’n amharu ar eu taith i’w adrodd i ni trwy anfon neges destun disylw at 61016.”

Dywedodd Rachel Heath, Cyfarwyddwr Gweithrediadau yn Network Rail Cymru a’r Gororau: “Bydd ein timau’n gweithio’n agos gyda Trafnidiaeth Cymru a Heddlu Trafnidiaeth Prydain drwy gydol Cyfres yr Hydref i sicrhau bod teithwyr yn cyrraedd yn ddiogel ac yn effeithlon.

"Rydym yn falch o chwarae ein rhan wrth helpu cefnogwyr i fwynhau’r rygbi wrth gadw Caerdydd Canolog i symud yn ystod un o gyfnodau prysuraf y flwyddyn."

Bydd system giwio rheoli torfeydd ar waith yng Nghaerdydd Canolog ar ôl pob gêm, gyda chiwio ar gyfer gwasanaethau rheilffordd prif linell ar Sgwâr Canolog a chiwiau’r Cymoedd yng nghefn yr orsaf.

Bydd Cyfnewidfa Bysiau Caerdydd yn cau yn unol â chau ffyrdd ar gyfer pob gêm rygbi gyda gwasanaethau bysiau yn gweithredu o leoliadau lloeren. Bydd Heol y Frenhines Caerdydd hefyd yn cau, ac eithrio mynediad hygyrch a theithwyr sy’n dymuno teithio i Fae Caerdydd.

Am ragor o wybodaeth ewch i Cyfres yr Hydref 2025 | Trafnidiaeth Cymru