04 Medi 2026

Bydd gorsafoeddrheilffordd ledled Cymru yn elwa o fuddsoddiad o £1 miliwn drwy Bwyntiau Cymorth newydd sbon mewn 48 o leoliadau gwahanol, gan roi mynediad at gymorth teithio byw a gwybodaeth amser real i deithwyr. 

Wedi'i gynllunio i roi hyder i gwsmeriaid yn enwedig yn ystod cyfnodau o aflonyddwch, bydd y Pwyntiau Cymorth yn cysylltu galwyr yn uniongyrchol â Reolwyr Gwybodaeth Cwsmeriaid sydd wedi'u lleoli yng Nghymru. 

Wedi'u lleoli ar blatfformau gorsafoedd neu gynteddau, mae Pwyntiau Cymorth yn gweithio wrth wasgu botwm a gellir eu defnyddio at amrywiaeth o ddibenion, o wirio amseroedd trenau i ofyn am gymorth neu roi gwybod am broblem, ac mae'r rhan fwyaf o Reolwyr Gwybodaeth Gwsmeriaid yn siarad Cymraeg. 

Bydd y broses gyflwyno yn canolbwyntio ar orsafoedd heb staff, lleoliadau â gwasanaethau trên llai aml ac ardaloedd lle mae signal rhwydwaith symudol (4G a 5G) yn gyfyngedig. 

Dywedodd Teleri Evans y Rheolwr Gwybodaeth i Gwsmeriaid ar gyfer trafnidiaeth Cymru, a ddatblygodd y Strategaeth Pwyntiau Cymorth: "Rydym am i gwsmeriaid deimlo'n ddiogel, yn hyderus ac yn gysylltiedig pan fyddant allan ar ein rhwydwaith. 

"Er bod nifer o ffyrdd o ddarganfod beth sy'n digwydd gan gynnwys ein gwefan, sianeli gwybodaeth cwsmeriaid a'r sgriniau gwybodaeth rydyn ni'n gweithredu ym mhob gorsaf, rydyn ni'n gwybod bod angen i ni wneud mwy. 

"Does dim byd gwaeth na bod mewn gorsaf a pheidio â gwybod beth sy'n digwydd yn ystod aflonyddwch. Felly rydyn ni'n ymrwymo i osod y Pwyntiau Cymorth hyn, gan ddechrau gyda'r gorsafoedd hynny gyda signal ffôn cyfyngedig a'r rhai a oedd â ffonau talu BT yn flaenorol." 

Yn ogystal ag ehangu rhwydwaith y Pwyntiau Cymorth, bydd y prosiect hefyd yn gweld pum gorsaf yng ngogledd Cymru yn cael eu Pwyntiau Cymorth yn cael eu disodli gan sicrhau bod cymorth dwyieithog ar gael ar draws y rhwydwaith cyfan. 

Mae Trafnidiaeth Cymru yn rheoli 248 o orsafoedd ledled Cymru a'r ffiniau, ond ar hyn o bryd maellai na hanner gyda Pwyntiau Cymorth. 

Dywedodd Rheolwr y Prosiect, Adam Zak: "Mae gosod pwyntiau cymorth newydd yn ymgymeriad mawr ac rydym yn gweithio'n galed gyda'n partneriaid yn Network Rail i sicrhau bod y prosiect yn gallu mynd yn ei flaen yn esmwyth. Rydym yn disgwyl cael rhai dyddiadau wedi'u cadarnhau yn ystod y misoedd nesaf ac i ddechrau'r gwaith y flwyddyn ariannol hon."