21 Awst 2026

Ydych chi wedi clywed am Ynys Enlli, 'Ynys 20,000 Sant' Cymru?

Yn adnabyddus am ei hanes Celtaidd cyfoethog, Noddfa Awyr Dywyll a bywyd gwyllt ffyniannus, mae'n rhaid i chi ymweld ag Ynys Enlli os byddwch yn ymweld â Phenrhyn Llŷn.

Ble mae Ynys Enlli?

Mae Ynys Enlli (Bardsey Island) yn ynys ger brig Penrhyn Llŷn.

Sut ydw i'n cyrraedd yno?

Trefnu lle ar ein bws fflecsi a chael eich gollwng ar draeth Porth Meudwy. Oddi yno, gallwch gerdded 10 munud o'r maes parcio i gyrraedd y lan lle gallwch ddal y cwch gyda Gwasanaeth Cwch Enlli. Mae'r daith ar y cwch yn cymryd rhwng 20 a 30 munud.

Beth alla i'w wneud yn Ynys Enlli?

O'r Noddfa Awyr Dywyll i'r Arsyllfa Adar, mae digon o bethau i'w gwneud yn Ynys Enlli:

Darganfod hanes yr ynys

Mae toreth o hanes Cymru yn eich disgwyl yn Ynys Enlli. Yn enwog am ei mynachlog Geltaidd, mae gan yr ynys hanes ysbrydol dwfn, gan ennill ei henw o'r ‘man y claddwyd 20,000 o seintiau'.

Yn dyddio'n ôl i'r 2il ganrif C.C., darganfyddwch straeon am oresgyniadau'r Llychlynwyr a dysgu am arwyddocâd ysbrydol Ynys Enlli gyda Rhufain. Ewch i weld olion cytiau Oes yr Haearn a gweld y goleudy sydd dros 200 mlwydd oed.

Bywyd gwyllt, adar a morfilod

Hyd yn oed ar y daith cwch i'r Ynys, cewch flas ar fywyd gwyllt cyfoethog sy'n bodoli yno. Gellir gweld dolffiniaid a llamhidyddion yn aml yn y dyfroedd, ac mae dros 200 o forloi llwyd yn byw ymhlith cildraethau Ynys Enlli.

Gyda dros 332 o rywogaethau o adar wedi'u cofnodi ar yr ynys, mae Ynys Enlli'r lle gorau erioed i'r rheini sy'n hoffi gwylio adar. Yn gorwedd ar lwybrau mudo llawer o adar, mae Arsyllfa Adar a Maes Enlli wedi bod yn monitro bywyd adar ar Ynys Enlli ers dros 70 mlynedd. Mae brain, wystrys, hebogau a chrëyr glas ymhlith llawer o'r adar y gallech eu gweld wrth ymweld ag Ynys Enlli.

Mae pysgota cimwch a chrancod cynaliadwy wedi bod yn rhan bwysig o Ynys Enlli ers cenedlaethau. Gallwch archebu cimwch ffres o'r dyfroedd o amgylch yr Ynys yn y caffi ar yr ynys, Caffi Ynys Enlli (ond mae'n rhaid ei archebu 24 awr cyn hynny).

Y Noddfa Awyr Dywyll

Wyddoch chi fod Cymru yn gartref i Noddfa Awyr Dywyll Ryngwladol gyntaf Ewrop?
Gan ennill yr ardystiad rhyngwladol yn 2023, mae Ynys Enlli yn un o 16 o safleoedd eraill ledled y byd sydd wedi ennill y statws hwn. Gyda bron dim llygredd golau, Ynys Enlli yw'r lle perffaith i weld harddwch ein hawyr dywyll. Pan fyddwch yn ymweld, efallai y gwelwch Oleuni'r Gogledd, y Llwybr Llaethog ac awyr, sydd yn llythrennol, yn frith gyda sêr.

Ymweld ag arddangosfa

Mae Ymddiriedolaeth Ynys Enlli wedi ymrwymo i hyrwyddo treftadaeth ddiwylliannol yr ynys. Pan fyddwch yno, beth am edrych ar ba arddangosfeydd sydd ymlaen? Gallwch ymweld â'u harddangosfa 'Myfyrdodau o Ynys Fach', cymysgedd o ffilm, ffotograffiaeth, sain, barddoniaeth a mwy. Mae'r arddangosfa hon ar agor tan 13 Medi 2026.

Mae ein gwasanaeth bws fflecsi Pen Llŷn yn gymorth mawr i'ch cludo i Ynys Enlli. Mae hwn yn wasanaeth tymhorol a fydd ar gael tan 12 Medi.

Ewch i'n tudalen we i ddarganfod mwy ac i drefnu eich taith: https://trc.cymru/fflecsi/lleoliadau/pen-llyn