09 Hyd 2024
Mae Cymru'n enwog am ei thirweddau trawiadol a'i threftadaeth ddiwylliannol gyfoethog. Mae wedi bod yn gefnlen ar gyfer sawl cynhyrchiad teledu a ffilm eiconig. Un o'r rhain yw'r comedi sefyllfa boblogaidd, Gavin and Stacey.
Cyflwynwyd y gyfres yn wreiddiol i'n sgriniau ym mis Mai 2007, ac mae'r gyfres yn archwilio'r berthynas ddoniol a chalonogol rhwng dau deulu o Gymru ac Essex.
Yn dilyn y newyddion bod disgwyl i'r sioe deledu eiconig ddarlledu ei rhaglen Nadolig ddiwethaf erioed ym mis Rhagfyr, mae ffans wedi heidio i'r lleoliadau ffilmio enwog yn y gobaith o weld y sêr. Yn wir, mae ymchwil a wnaed ar ran TrC wedi datgelu bod chwiliadau Google am "Gavin and Stacey Barry Island" wedi cynyddu 116% ledled y DU dros y tri mis diwethaf.
Gyda hynny mewn golwg, rydyn ni'n datgelu rhai o leoliadau ffilmio eiconig y comedi sefyllfa sy'n parhau i swyno cynulleidfaoedd ledled y byd. Rydym yn annog ffans Gavin a Stacey i ymweld â Chymru a phrofi ei lleoliadau ffilmio enwog.
Ynys y Barri
Mae Gavin and Stacey yn aml yn dangos glannau, arcedau a thraeth bywiog Ynys y Barri, sy’n ychwanegu at swyn y sioe a’i chymeriad lleol. Mae llawer o olygfeydd yn digwydd yma, gan gynnwys Nessa yn gweithio yn y slotiau a chaffi Marco. Mae ymweld â'r lleoliad eiconig hwn yn hawdd – wrth gyrraedd gorsaf reilffordd Ynys y Barri, byddwch chi yng nghanol y cyffro i gyd.
Heol y Drindod, Y Barri
Gallwch ddod o hyd i'r tŷ a ddefnyddiwyd fel y tu allan i gartref teulu Stacey yn 47 Trinity Street yn y Barri. Os ydych chi'n bwriadu ymweld, efallai y gwelwch chi ddau leoliad ffilmio enwog, gan ei fod hefyd yn cael ei ddefnyddio fel cefnlen i dŷ Uncle Bryn, yr ochr arall i’r stryd.
Sgwâr San Pedr, Dinas Powys
Er bod cartref teuluol Gavin wedi'i leoli yn Billericay, Essex, efallai y bydd ffans sy’n cadw llygad barcud ar y sioe yn gwybod bod y tŷ hwn wedi'i leoli ar Laburnum Way, Dinas Powys. Tŷ’r teulu Shipman oedd lleoliad y rhan fwyaf o raglen Nadolig gyntaf erioed y comedi sefyllfa yn 2007.
Y Colcot Arms, Y Barri
Bydd ffans y rhaglen yn falch o wybod, er bod Smithy yn byw yn Essex, gallwch ymweld â'r lleoliad ffilmio hwn yng Nghymru, yn The Colcot Arms yn y Barri. Fodd bynnag, rydych yn annhebygol o ddal James Corden yn actio fel holwr y cwis yma!
Y Rhws, Bro Morgannwg
Gallwch grwydro o gwmpas safle carafanau Dave yn y Rhws, lle roedd Dave, Nessa a Baby Neil i gyd yn byw ar un adeg.
Llanfaes, Bro Morgannwg
Yn Llan-faes, gallwch ddod o hyd i St Cattwg, yr eglwys a gynhaliodd seremoni priodas Gavin a Stacey ar ddiwedd y gyfres gyntaf.
-DIWEDD-
Cyswllt Cyfryngau
Emily Salt emily.salt@wearenorth.uk
Ffynonellau
- Data ymchwil Google a gyrchir drwy Google Keyword Planner, yn gywir ar 18/09/2024
- https://www.visitwales.com/things-do/attractions/tv-and-film-locations/gavin-and-stacey-filming-locations
- https://www.bbc.co.uk/news/articles/c2xx0znpgpeo
Ynglŷn â Trafnidiaeth Cymru
Mae Trafnidiaeth Cymru yn bwrw ymlaen â gweledigaeth Llywodraeth Cymru o rwydwaith trafnidiaeth diogel, integredig, fforddiadwy, hygyrch ac o ansawdd uchel y mae pobl Cymru yn falch ohono.
Maent am i bobl ymddiried ynddynt a chredu ynddynt ac i ymrwymo i newid eu hymddygiad, teithio'n fwy cynaliadwy a gwneud eu rhan dros bob dyfodol. Bydd y rhwydwaith trafnidiaeth integredig aml-ddull, integredig y maent yn ei adeiladu yn galluogi pobl i wneud hyn.
P'un a yw pobl yn dewis defnyddio trafnidiaeth gyhoeddus, cerdded, olwynio neu feicio, maen nhw am sicrhau bod teithio'n gynaliadwy nid yn unig yn cael ei ystyried fel y peth iawn i'w wneud ond hefyd y peth hawsaf.
