29 Medi 2025
Mae Trafnidiaeth Cymru wedi ymrwymo i wneud teithiau ar fws a beic yn fwy cynhwysol, ymarferol a chyfeillgar i bawb. P'un a ydych chi'n beicio’n aml, yn teithio ar fws yn rheolaidd, neu'n rhywun sy'n ystyried cyfuno'r ddau, rydyn ni am glywed gennych chi.
Rydym yn lansio astudiaeth archwiliadol newydd i ddeall sut y gallai beicio a theithio ar fws gydweithio'n well ledled Cymru. A'r cam cyntaf? Cael eich barn chi.
Pam bod hyn yn bwysig
Mae cerdded, olwynio a beicio wrth wraidd ein gweledigaeth ar gyfer Cymru wyrddach a iachach ond gwyddom nad yw cyfuno beicio a theithio ar fws bob amser yn hawdd. Hoffem wybod y canlynol:
- Sut ydych chi'n cyfuno beicio a theithio ar fws ar hyn o bryd?
- A fydd hyn yn ei gwneud yn haws neu'n fwy deniadol?
- A allai integreiddio'n well annog mwy o bobl i feicio neu i deithio ar fws?
Mae hi'n ddyddiau cynnar ar gyfer yr astudiaeth hon — nid ydym wedi gwneud unrhyw benderfyniadau eto. Bydd eich adborth yn helpu i lywio ein ffordd o feddwl yn y dyfodol a chreu gwelliannau posibl.
Dweud Eich Dweud
Rydym wedi lansio arolwg cyhoeddus i gasglu barn amrywiaeth o bobl — pobl sy'n beicio, defnyddwyr bysiau, teithwyr achlysurol, a'r rhai a allai ystyried cyfuno'r ddau yn y dyfodol. P’un a ydych chi’n teithio bob dydd neu nawr ac yn y man, mae’ch llais yn bwysig.
Llenwch yr arolwg nawr: https://dweudeichdweud.trc.cymru/beic-a-bws
Bydd yr arolwg ar agor rhwng 29 Medi ac 19 Hydref. Mae pob ymateb yn bwysig. Bydd eich adborth yn dylanwadu'n uniongyrchol ar sut rydym yn gwneud gwelliannau yn y dyfodol i wneud beicio a theithio ar fws yn fwy cysylltiedig, cyfleus a chynhwysol.
I'r rhai nad ydynt yn gallu llenwi'r arolwg ar-lein, gofynnwch am fersiwn gwahanol ohoni.
Ymunwch â ni i greu Cymru sydd â chysylltiadau gwell — gyda'n gilydd.
Llenwch yr arolwg, rhannwch eich barn, a'n helpu i wneud teithio cynaliadwy yn fwy hygyrch i bawb.
Pam Dewis Beicio?
Efallai y bydd yn syndod i chi wybod bod y gyrrwr cyffredin yn y DU yn treulio bron i bedair blynedd o'i fywyd y tu ôl i lyw y car — a bod tua wyth mis o'r amser hwnnw yn cael ei dreulio mewn tagfeydd traffig. Mae hwn yn llawer iawn o amser, amser y gellid ei dreulio yn gwneud pethau pwysicach.
Mae beicio yn ffordd glyfar, iach a chynaliadwy o deithio. Gall eich helpu i gadw'n heini, yn lleihau straen, ac mae’n cyd-fynd yn hawdd â'ch diwrnod arferol. Hefyd, mae’n lleihau traffig, allyriadau carbon a chostau teithio. Gyda rhwydwaith beicio Cymru yn ehangu, mae defnyddio beic yn hytrach na'r car i deithio pellter byr yn haws nag erioed. Mae'n newid bach sydd â llawer iawn o fanteision - iechyd, lles, a'r blaned.
Dysgu mwy am feicio: https://trc.cymru/ffyrdd-o-deithio/beicio
Pam bod teithio ar fws yn gwneud gwahaniaeth
P'un ai eich bod yn teithio ar y bws i fynd i’r gwaith, ysgol neu i hamddena, mae teithio ar fws yn ddull glanach a mwy cynaliadwy o deithio na’r car. Mae teithio ar fws yn lleihau ein hallyriadau carbon helpu i frwydro yn erbyn yr argyfwng hinsawdd. Pob blwyddyn yng Nghymru, mae 70 miliwn o bobl yn teithio ar fws.
Dysgu mwy am deithio ar Fws: https://trc.cymru/ffyrdd-o-deithio/bws
