28 Maw 2024
Antur yw hanfod penwythnos y Pasg ac mae Sir Benfro'n cynnig llawer mwy na thraethau trawiadol yn unig; gwisgwch eich esgidiau cerdded ac archwiliwch fynyddoedd godidog y Preseli!
Cerdded a Chrwydro:
Mae Preseli yn cynnig hafan i gerddwyr o bob gallu. O ymlwybro'n hamddenol gyda'r teulu i deithiau cerdded heriol, mae llwybr sy’n addas i bawb.
Lawrlwythwch ap GoJauntly a threfnu eich taith heddiw.
Mae llawer iawn o lwybrau cerdded ar gael, rydych yn siŵr o ddarganfod un sy'n addas i chi!
Dyma rai syniadau i'ch ysgogi:
- Yn llai na milltir o hyd, Foel Eryr yw'r daith gerdded fyrraf yn y Preseli. Yn sicr, dyma'r daith gerdded orau i chi os ydych chi am fwynhau golygfeydd gwych, heb orfod gweithio'n rhy galed.
- I gyrraedd pegwn Moel Drygarn, byddwch yn cerdded tua milltir a hanner (mae pawb yn hoffi hunlun ar bwynt uchaf taith gerdded!) a bydd golygfeydd bendigedig yn eich disgwyl.
Yn teimlo'n anturus ac eisiau cerdded pellter hirach? Gallwch ddal bws T5 TrawsCymru i Eglwyswrw a cherdded 4 milltir i'r pwynt uchaf.
- Moel Cwmcerwyn yw copa uchaf bryniau'r Preseli. Dyw’r daith i'r copa ddim yr hawsaf, byddwch yn dringo 300 metr mewn 2 filltir, ond mae'n werth pob cam!
P'un a ydych chi'n dechrau neu'n gorffen eich taith gerdded yn Rosebush beth am ddysgu rhywfaint am hanes yr ardal ac archwilio gweddillion Gorsaf Rosebush a gaeodd yn barhaol i deithwyr ym 1937.
Cyngor defnyddiol: Paratowch bicnic a mwynhewch seibiant yn mwynhau golygfeydd rhagorol ymysg llonyddwch y mynyddoedd.
Gadewch eich car gartref y Pasg hwn!
Ymlaciwch ar Drafnidiaeth Gyhoeddus a mwynhewch olygfeydd gwledig hardd. Ewch i'n gwefan: https://trc.cymru neu Traveline Cymru: https://www.traveline.cymru/ i drefnu eich taith.
Y Pasg hwn, mwynhewch harddwch Sir Benfro trwy archwilio Mynyddoedd y Preseli. Mae'n antur a fydd yn eich adfywio, yn eich bywiogi ac yn creu atgofion bythgofiadwy!
